A party.

Skuins-skaam stappies, grasgroen voete, komberse en flikkerende kerse;
skaterlag deur bome, struike en velde, koue flesse en aangee kelkies;

onbekende blikke, ‘n sagte nuwe streling,
dronk-dronk grappies en lang gesprekke;

hoe hakke, lang hare, kaal skouers en ronde borste,
foto’s van gesigte onder ligte,

en later,
baie later,

sluip ek oor dou-nat gras, skoene in my hand,
my eie lewe saggies terug binne.

(CDV, somewhere in Lochristi on a saturday night, 05.06.10)